نكت جامده جدا

موضوع: نكت جامده جدا الأحد فبراير 17, 2008 11:45 pm

مره واحد فشار قوى بيقول لصاحبه انا كنت ماشى فى الصحره طلع عليا اسد نطيت في البحر،صاحبه قاله بحر ايه بس اللي فى الصحره، قال لا انا قلت لقيت ابو الهول اتشعلقت فى رقبته، صاحبه قاله وايه اللي جاب ابو الهول في الصحرا، فقال وانا ماشى فى الصحره طلع عليا اسد أكلنى.. ارتحت

= = = = = = = = = = = = = = = = =
مرة واحد فشار قوي قاعد على القهوة مع واحد صاحبه وقالوا إن أبو جهل كان بيتعشى معاه أمبارح في البيت فرد صاحبه وقالو يا كداب أبو جهل مات من الف وربعميت سنه قام الفشار منادي على جاره قالوه مش أبو جهل كان بيتعشى معايا أمبارح جاره قال الكدب خيبه .... بس كان فيه عربيه راكنه هنا أمبارح نمرها ملاكي قريش

= = = = = = = = = = = = = = = = =
ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا، وبتاجر فيه كمان؟ قاله ايوه ، تاني يوم اتعرض على النيابة سأله وكيل النيابة انت بتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للظابط كده؟ قاله كنت مسطول يا بيه

= = = = = = = = = = = = = = = = =
مرة واحد بيروح بيتة كل يوم سكران قام من النوم الصبح وقال لمراتة انتى يا ولية كل يوم تسيبى نور الحمام منور، مراته ردت عليه اتنيل انت اللي كل يوم بتخش الثلاجة

= = = = = = = = = = = = = = = = =
قرد ودانة اتقطعت بص فى المراية قال يا خسارة الحلو ميكملش

حمار بيقول لخطيبته امتى هنتجوز ياحمارة قالت له لما تحسن الفاظك ياحيوان

مرة كلب فقد الذاكرة ماشى فى الشارع بيقول صوصو...لا نونو.....لا .....

= = = = = = = = = = = = = = = = =
واحد عندة غيط جزر كل ما الجزر يطلع تيجى ارانب من المزرعة اللى جنبه وتاكل يتغاظ ويمسك الارانب ويسالها عملتو اية فى الجزر يقول الارنب اكلنا الجزر الراجل زهق وقرر يخلع للارانب كلها ضروسها وفعلا وبعد فترة طلع الجزر وفى يوم الراجل ملقاش الجزر اتغاظ وراح ماسك الارانب وسالها عملتوا اية فى الجزر رد الارنب وقاله عملناه ( عصير )

= = = = = = = = = = = = = = = = =
أعراض انفلونزا الطيور: 1 -الشعور بالرغبة فى الطيران 2-هز الرقبة بطريقة غير عادية 3 -الميل الى الرقود على البيض من وقت الى اخر 4-الشعور بالرغبة فى التقاط الاكل بالفم مباشرة 5-الشعور بانك مفقوس دايما امام الناس 6-الميل الى سماع اغنية " كوكو واوا " طوال اليوم اهم طرق العلاج: - "بق بق بق بق " كررها كل 8 ساعات، يصبح لديك مناعة ضد انفلونزا الطيور.

= = = = = = = = = = = = = = = = =
في مجموعه نمل كل مايعدي الفيل عليهم يكسر بيوتهم فالملك بتاع النمل قال نتجمع في مكان ونعمل اجتماع فاتفقو انهم لما يعدي الفيل ينطو عليه فعدا الفيل عليهم اليوم الي بعده وهما كانو واقفين فوق الشجره فنطو عليه فالفيل حرك زلومته يمين وقع نصهم حركها شمال وقع نصهم التاني ومبقاش غير واحد بس اسمه فوزي فالنمل كله قالوله اخنقه يافووووزي !

= = = = = = = = = = = = = = = = =

حرامى دخل شقة علشان يسرق لقا واحدة تخينة اوى اعدت علية وقالت لابنها نادى ابوك من القهوة فالحرامى قال :بسرعة يالا

= = = = = = = = = = = = = = = = =

نكت جامده جدا 931643