مش عارفة حل

موضوع: مش عارفة حل الخميس ديسمبر 27, 2007 12:54 pm

مشكلتي باختصار إن زميلي في العمل أحبني حبا كبيرا وحاول أن يلفت نظري بكل الطرق. وبالفعل أنا أحببته جدا ولكن لأني فتاة ملتزمة لم أستطع أن أبوح له بهذا الحب. هو إنسان خجول جدا وملتزم بشهادة كل العاملين معنا. وكان قد بدأ يتعود على الكلام معايا وكنت حاسة إنه عايز يتكلم وكان بدأ يلاحظ إني أنا كمان معجبة بيه. بس فجأة كان فيه مأمورية في الشغل لازم يسافر لها والمفروض إن السفر هيكون لأسبوع واحد. في اليوم اللي كان هيسافر فيه، حاول يتكلم بس الظروف مسمحتش. المهم إن وقت المأمورية طول أوي وبقينا على الحال ده شهور.. هو نفسه مش عارف هيرجع امتى.هو بيسأل عليا كل فين وفين لأنه مشغول جدا بس آخر مرة كلمني فيها على الماسنجر اتخانقنا مع بعض لأنه شايف إني مستعجلة ومش قادرة أصبر عليه. أنا كنت قاسية عليه جدا في الكلام بس أنا فعلا زهقت أوي وتعبت من كتر البعاد.. بقالنا دلوقتي شهر متخاصمين وأنا مش عارفة اللي أنا عملته صح ولا غلط وهل ينفع إنه ميسألش عليا إلا نادرا وهل أبدا أنا بالصلح ولا استنى لما هو اللي يبدأ؟

متهيألى تستنى لما هوة اللى يبدأ

انا رئيي لو هي بتحبه اوي ومتاكده انه بيحبها جدا وهيقدر انها اتسلت بيه يبقي مفيهاش مشكله لان لو هي فضلت كدة هتخسرة

لا طبعا تستحمل شويه لحد ماهو يقرر
اليوم اللي كان هيسافر فيه، حاول يتكلم بس الظروف مسمحتش
يعنى بتتكلموا اهو............
طيب فاتحك فى الموضوع ولا لآ
بس آخر مرة كلمني فيها على الماسنجر اتخانقنا مع بعض لأنه شايف إني مستعجلة ومش قادرة أصبر عليه
يعنى اتكلمتوا فى الموضوع اهو!!!!!!!!
اومال بقى عايزة ايه؟
بصى .........
انتى اللى اتنرفزتى عليه
يبقى انتى اللى تصالحيه بخفه ودلع
ومش تبينيله انك مدلوقه عليه
صالحيه بعتاب واتدلعى عليه
وانتى ادرى بيه بقى
ربنا يوفقك ان شاء الله

الصلح خير ساعات الانسان بيكون متضايق من حاجه ممكن تخليه يخرج عن شعوره فى وقت الكلام مع من يحب لان فى تخيله ان الحبيب يفهم ويقدر ذلك واحيانا يصل بنا الحب الى مرحله........التى انتى فيها ولكى صالحيه بذكاء بشى يحب ان يسمعه منك اوتعود لم يسمعه يفرح جدااااااااااا وصدقنى هو اللى هيصلحك .....لازم يكون فيه ثقل زى ما miro.mrmrقالت فى ردها وربنا يوفقك بس لحظى انه مسافر محتاجك جدااااااا جدااااا....................................