اعمل ايه فى الحب

أنا مرتبطة بإنسان ، ومش بحبه وبس لأن كلمة حب دي قليلة جدا عليه، وهو كمان اعترف لي من حوالي شهر إنه بيبادلني نفس الشعور رغم إن معرفتي به بدأت منذ خمس سنوات. ولكن للأسف كان فيه مشاكل أهمها إنه كان مرتبطا بأعز أصحابي اللي عرفتني عليه وتعاملنا معا طوال السنوات الخمس كأخ وكاخت. لكن بعد ما اعترف لي إن الأمور ما بينهم صارت لا تطاق وإن الفراق هو اللي هيسير، لكنه متردد حتى لا يجرحها.

في الوقت ده حسيت إنه المفروض يعرف بقى إني بحبه خاصة إن أنا وهو قربنا قوي بعد الفترة دي، وفعلا صارحته وكان متضايق إني اتأخرت في إني أصارحه، لأنه لمح لي كتير... بس أنا كنت أصده لأني خايفة على صاحبتي وهو كمان كان بيرجع وبيقوي نفسه علشان مش يجرح التانية.

المشكلة إني مش عارفة أعيش من غيره وهو كمان نفس الحكاية. حاولنا كتير جدا إننا نبعد عن بعض وبالاتفاق حتى لا أظلم صاحبتي التي لا تزال تحبه وترى إنه ملكها وحدها ولا تستطيع الاستغناء عنه، خصوصا بعد ما كلمها وقالها ان الحب اللي كان جواه ليها انكسر ومش هيقدر يصلحه ولو شايفة إنك هتكوني مبسوطة وأنت معاي على الشكل ده نكمل مع بعض وهي ردت بالموافقة وقالت مش مهم، نكمل وتيجي تخطبني، وعلشان كده حاولنا نبعد عن بعض لكن للأسف كل محاولاتنا باءت بالفشل ورجعنا أقوى من الأول.

المشكلة إن هو في موقف صعب، يختار العشرة ولا الحب؟ يجرح واحدة ويبعد عنها بسبب اللي عملته وخلته بعد ما كانت عنده أميرة متوجة يخاف يقرب منها ومش يحبها لبرودها اللي كانت دايما بتقابل مشاعره بيه؟ ولا يكمل معها لمجرد بس إنه عايز يسعدها ومش مهم يتعس نفسه؟ المهم إنه شايف إن ممكن ده يكون الجايزة المناسبة إنها فضلت معاه مرتبطة بيه أربع سنين ومش عايز حد يقول في حقها حاجة.. ولو عمل كده هيبعد عني وأنا أسيبه طيب ازاي؟؟ يكمل مع مين؟ يختار مين؟

أنا كمان فيه بينا عشرة بس كانت عشرة من نوع تاني وبعدين أنا في موقف صعب صاحبتي ولا حياتي؟ العشرة ولا الحب? بجد نفسى اعرف اعمل ايه وده طبعا على لسان الحب
اعمل ايه فى الحب 695169

مع تحياتى ......
اكاديمى

هو الموضوع غلط من الاول لانها حست تجته واحد هي عارفه انه بيحب صحبتها وصحبتها بتحبه واكيد وهي مش حاسه بتعمله كويس جدا فالمفروض مش تخسر صحبتها لان الحب بياجي ويروح

عاوزة اقولك حاجة مهمة جدا انتى اصلا لو مكنتيش فى الموضوع من الاول مكنش ده حصل صح ولا لا من الاصح انك تبعدى وهو ده القرار السليم انا افضل انى اكسب صحبتى واخسر واحد اسفة يعنى بس هو ده الصح صدقنى وربنا بكرة يوفقك وتلاقى انسان احسن منة الموضوع مش محتاج نقاش المفروض انك تبعدى مهما كان هيحصل اية حتى ده لو هيسبب ليك وجع او ضرر تخيلى نفسك مكانها انتى ممكن تعملى اية لو صحبتك كدة هيبقى اية شعورك

بصراح انا رأى ان من البدايه الموضوع ماشى فى شمال ويمين والحل الافضل من وجه نظرك انك تختارى صحبتك لانه صعب جدا عليها انتها تتصدم فى الانسان دة وكمان فيكى ,بالاضافه انك من البدايه غلطانه انك سمحتلى لنفسك انك تفكرى فيه لان صديقتك بينها وبينه نوع من المشاعر المتبادله وانتى على علم بكل شيئ بيحصل بجد صدقنى اختارى صحبتك بكرة أ:يد هتلاقى الانسان الافضل وعلشان متخسريش صديقتك متفتكريش ان الصداقه شيى سهل بالعكس دة صعب قوى وبالتالى الاصعب ان تضحى بيها لازم تنهى كل حاجه وتبعدى يمكن كلامى يكون قاسى شويه عليكى بس صدقنى بعد كدة لما تحسبيها بعقلك هتلاقى ان دة كان الافضل ليكى وليها وليه

» الحب كدة
» صور عيد الحب حول العالم
» كيكه عيد الحب
» كلام فى الحب
» الحب الخائن