الحب الاول

انا معاك ان الحب الاول ده صعب اوى انه يتنسى

يعنى اول مره يدق قلبك بيكون ليها احساس مختلف اوى عن اى مره تانيه

اول مره تحس برعشه فى ايدك مثلا وانت بتسلم على حبيبك

اول مره تحس انك عايز تقول كلمه بحبك مثلا


وعشان هو الحب الاول اللى كل حاجه فيه بتحصل لاول مره بيكون صعب نسيانه صعب اوى كمان

بس مع الاسف الحب الاول ده عادة بيكون ناقص حاجه وحاجه مهمه اوى

يعنى اغلب الحب الاول ده بيكون من القلب بس يعنى العقل ما تدخلش فى الموضوع وبالتالى ممكن مع اى مشكله تحصل تكتشف حاجات كتيره كانت مرايه الحب عمياك عنها ومع مرور الوقت وتغير تفكيرك ونمو عقلك بيتغير رايك غصب عنك وبتبدا تحكم عقلك كمان مش بس قلبك

وترجع تقول لنفسك ايه اللى انا كنت بعمله ده او انا معرفتش اختار كويس او ده كان لعب عيال ... وتبدا بعدها تدور على حب
تانى حب صادق عاقل وناضج اى نعم مش حب اول لكن حب عقلانى اول


دايما بيكون الحب الاول ده مع صغر السن
وبالتالى صغر التفكير وصغر العقل وللاسف لما بيكبر عقلك مع مرور الوقت عاده وغالبا ما تكتشف انك اسات الاختيار وبالتالى بتضطر انك تغير رايك وتنسى الحب ده وتبدا من جديد


لكن ممكن الحب الاول يكون بعد ما نضج العقل وباختيار القلب والعقل مع بعض وده صعب اوى انه يتنسى واعتقد انه بيدوم ومش بيكون فى مبرر لنسيانه واعتقد ان ده من اجمل انواع الحب الصادق الاول فى كل حاجه



بس ده فين نلاقيه

تسلمى يا أية على الموضوع

مرسي بجد بجد ليكي يانور مرسي بجد لردك قد ايه بجد تحفه ومنك نستفيد وانا بنتفق معاكي في كل كلامك مرسي بجد ليكي





مرسي يامس ناني لرد بجد نورتي وحشتيني اوي